Türkiyədə illik bahalaşma 47 faizi ötür
Türkiyənin Statistika Qurumu inflyasiya hesabatı yayıb. Novator.az bildirir ki, rəsmi məlumata görə, 2023-cü ilin iyul ayında istehlak qiymətləri iyuna nəzərən 9,49 faiz, ötən ilin eyni ayı ilə müqayisədə 47,38 faiz yüksəlib.
Statistikaya əsasən, iyulda 143 əsas mal, məhsul və xidmətin 135-də bahalaşma, 4-də ucuzlaşma qeydə alınıb, 4-də qiymət sabit qalıb.
Azərbaycan Mərkəzi Bankı avqustun 2-də 100 Türkiyə lirəsini 6 manat 30 qəpiyə satır.
2023-cü il 9 manat 7 qəpiklə start götürüb, fevralın əvvəlində kurs 9 manat 4 qəpik, martın əvvəlində 9 manat, aprelin əvvəlində 8 manat 86 qəpik, mayın əvvəlində 8 manat 74 qəpik, iyunun əvvəlində 8 manat 19 qəpik, iyulun əvvəlində 6 manat 53 qəpik, avqustun əvvəlində 6 manat 31 qəpik olub.
2021-2022-ci illərdə 100 lirənin rəsmi kursu 22 manat 91 qəpikdən 9 manat 9 qəpiyə düşüb.
Mənbə: Tuik.gov.tr
