İkinci raund yarılandı
UEFA Konfrans Liqasının 2023-2024 mövsümünə ikinci mərhələdən qoşulmuş Azərbaycan komandaları ilk oyunlarını başa vurub. Novator.az-ın məlumatına görə, “Qəbələ” iyulun 27-si evdə Kiprin “Omoniya” komandasına uduzub (2:3), “Neftçi” Bosniyada “Jelezniçar”la sülh bağlayıb (2:2).
“Sabah” iyulun 26-sı Latviyada RFS-i 2:0 hesabı ilə məğlub edib.
Cavab oyunları avqustun 3-nə təyin olunub.
Üçüncü mərhələyə çıxacağı halda “Qəbələ”ni “Midtülland” (Danimarka) – “Proqres” (Lüksemburq) cütlüyünün, “Neftçi”ni “Beşiktaş” (Türkiyə) – “Tirana” (Albaniya) cütlüyünün qalibi, “Sabah”ı “Partizan” (Serbiya) gözləyir.
