Avropa yolunda
Azərbaycanı UEFA Çempionlar Liqasının 2023-2024 mövsümündə təmsil edən “Qarabağ” ikinci mərhələnin ilk oyununu keçirib. Novator.az-ın məlumatına görə, iyulun 26-sı Polşada “Rakov”la qarşılaşan komanda yenilib – 2:3.
Cavab oyununa avqustun 2-də Bakı ev sahibliyi edəcək.
Üçüncü raunda keçsə, “Qarabağ” ya “Aris” (Kipr), ya da BATE (Belarus) ilə üz-üzə gələcək. Əks halda komanda Avropa Liqasına adlayaraq ilk mərhələdə ya HİK-ə (Finlandiya), ya da “Molde”yə (Norveç) rəqib olacaq.
“Qarabağ” birinci mərhələdə Cəbəllütariqin “Linkoln” komandasını ələyib (4:0 və 2:1).
Konfrans Liqasına ikinci mərhələdən qoşulan Azərbaycan komandaları ilk oyunlarını iyulun 27-də başa vurur. “Qəbələ” Kiprin “Omoniya” komandasını qəbul edir, “Neftçi” Bosniyada “Jelezniçar”la görüşür.
“Sabah” iyulun 26-sı Latviyada RFS-i 2:0 hesabı ilə məğlub edib.
