Prokurorluğun yarım ili
Baş Prokurorluq yarım illik hesabat yayıb. Rəsmi məlumata görə, 2023-cü ilin yanvar-iyun aylarında müxtəlif xətalar törətmiş 25 prokurorluq işçisi intizam məsuliyyətinə cəlb olunub, onların 16-sı töhmət və ya şiddətli töhmət alıb, 7-si vəzifədən çıxarılıb, 1-nə irad tutulub, 1-i prokurorluq orqanlarından xaric edilib.
Azərbaycanda prokurorluq orqanının əsası 1918-ci ildə qoyulub. Konstitusiyaya görə, Azərbaycan Respublikasının Prokurorluğu qanunla nəzərdə tutulmuş qaydada və hallarda qanunların icra və tətbiq olunmasına nəzarət edir; qanunla nəzərdə tutulmuş hallarda cinayət işləri başlayır və istintaq aparır; məhkəmədə dövlət ittihamını müdafiə edir; məhkəmədə iddia qaldırır; məhkəmə qərarlarından protest verir.
Azərbaycan Respublikasının Prokurorluğu ərazi və ixtisaslaşdırılmış prokurorların baş prokurora tabeliyinə əsaslanan vahid mərkəzləşdirilmiş orqandır.
2020-ci il mayın 1-dən baş prokuror postunu Kamran Əliyev tutur.
