Türkiyəli mütəxəssislər şagirdlərə riyaziyyatdan olimpiada dərsi keçir
“Global Olympic Center”in təşkilatçılığı ilə Bakı Dövlət Univeristetində “Pi” yay məktəbi təşkil olunub.
Yay məktəbində olimpiadaçı şagirdlər iştirak edir. İyulun 30-dək fəaliyyət göstərəcək olimpiada düşərgəsində şagirdlərə “İnternational Mathematic Olympiad”da Türkiyə komandasında olmuş qaliblərin müəllimi İhsan Yücel, Lokman Gökçə, eyni zamanda “Birlik Forumu” beynəlxalq riyaziyyat olimpiadasının Türkiyə üzrə koordinatoru, xüsusi metodologiya ilə dərs keçən Rauf Tağıyev iştirak edir.
Yeddi günlük dərs planına hər gün şagirdlərin 360 dəqiqə, bir çevrə qədər riyaziyyat fənni ilə məşğul olması daxildir.
Yay məktəbindəki şagirdlərin bir qisimi Azərbaycanı İngiltərədə keçiriləcək olimpiada təmsil edəcək.
