“Qarabağ” ikinci mərhələni keçsə…
İyulun 24-ü UEFA Çempionlar Liqasının 2023-2024 mövsümündə üçüncü mərhələnin püşkü atılıb. Novator.az bildirir ki, Azərbaycan təmsilçisi “Qarabağ” ikinci mərhələdə “Rakov” (Polşa) komandasını keçsə, “Aris” (Kipr) – BATE (Belarus) cütlüyünün qalibi ilə görüşəcək.
Dördüncü mərhələdə “Qarabağ”ın bəxtinə “Yanq Boyz” (İsveçrə) düşə bilər.
“Qarabağ” birinci mərhələdə Cəbəllütariqin “Linkoln” komandasını ələyib (4:0 və 2:1).
Turnirin ilkin və birinci mərhələlərində ələnənlər Konfrans Liqasına, sonrakı üç mərhələsində ələnənlər və qruplarda üçüncü yeri tutanlar Avropa Liqasına köçür.
İkinci mərhələni keçə bilməsə, “Qarabağ” Avropa Liqasına adlayaraq ya HİK-ə (Finlandiya), ya da “Molde”yə (Norveç) rəqib olacaq.
