Gürcüstanın xarici ticarəti
2023-cü ilin yanvar-iyun aylarında Gürcüstanın rəsmi xarici ticarət dövriyyəsi ötən ilin ilk yarısına nəzərən 20,1 faiz artaraq 10 milyard 268,6 milyon dollara bərabər olub. Novator.az-ın məlumatına görə, hesabatı yayan Milli Statistika Xidməti ixracı 3 milyard 52,8 milyon dollar, idxalı 7 milyard 215,8 milyon dollar dəyərində göstərir, 2022-ci ilin ilk altı ayı ilə müqayisədə ixracın 19,3 faiz, idxalın 20,4 faiz artdığını bildirir.
Gürcüstanın əsas ticarət tərəfdaşları hesabatda belə sıralanır: Türkiyə, Rusiya, Çin, Azərbaycan, ABŞ, Ermənistan, Almaniya, Qazaxıstan, Qırğızıstan, Yaponiya.
Statistikaya əsasən, həm ixracın, həm də idxalın lideri minik avtomobilidir.
Mənbə: Geostat.ge/en
