Qarabağda
Prezident İlham Əliyev iyulun 20-də Füzuli rayonuna səfər edib. AZƏRTAC xəbər verir ki, dövlət başçısı Əhmədbəyli-Füzuli-Şuşa avtomobil yolunun Füzuli Beynəlxalq Hava Limanına qədər olan 27 kilometrlik hissəsinin tikintisi ilə tanış olub.
Bu, Füzuli rayonundan Şuşa şəhərinə çəkilən ikinci avtomobil yoludur. Birinci yol 2021-ci ildə istifadəyə verilib.
Arayışa görə, ilk yolun uzunluğu 101 kilometrdir, yeni yolun 81,7 kilometr olması nəzərdə tutulur.
İkinci yolun bir hissəsi altı, bir hissəsi dörd hərəkət zolağından ibarət olmalıdır. 27 kilometrlik hissədə əsas infrastruktur işləri tam icra olunub, ümumilikdə yolun tikintisinin 50 faizi tamamlanıb.
Prezident iyulun 20-də Xocalı rayonunun işğaldan azad edilmiş Çanaqçı və Sığnaq kəndlərinə də baş çəkib.
