FİFA reytinqi
FİFA iyulun 20-də milli futbol komandalarının reytinqini yeniləyib. Oyunların əhəmiyyəti, rəqiblərin çəkisi nəzərə alınmaqla əldə edilən nəticələrə əsaslanan reytinqdə Azərbaycan 208 yığma arasında 121-ci yerdə qərar tutur.
İran 22-ci, Ukrayna 24-cü, Rusiya 38-ci, Türkiyə 41-ci, Özbəkistan 74-cü, Gürcüstan 78-ci, Ermənistan 90-cı, Qırğızıstan 97-ci, Belarus 98-ci, Qazaxıstan 104-cü, Tacikistan 110-cu, Estoniya 111-ci, Latviya 134-cü, Türkmənistan 138-ci, Litva 144-cü, Moldova 164-cü pillədədir.
Novator.az bildirir ki, ilk onluqda Argentina, Fransa, Braziliya, İngiltərə, Belçika, Xorvatiya, Niderland, İtaliya, Portuqaliya və İspaniya göstərilir.
2020-ci il iyulun 10-dan Azərbaycan millisinə italyan Canni De Byazi baş məşqçilik edir. Yığma onun dövründə 33 rəsmi oyun keçirib: 7 qələbə, 8 heç-heçə, 18 məğlubiyyət.
