“Qarabağ” mərhələ adladı
Azərbaycanı UEFA Çempionlar Liqasının 2023-2024 mövsümündə təmsil edən “Qarabağ” birinci mərhələnin cavab oyununu keçirib. İyulun 19-u Bakı Olimpiya Stadionunda Cəbəllütariqin “Linkoln” komandasını qəbul edən təmsilçi 4:0 hesabı ilə qələbə qazanaraq növbəti raunda adlayıb.
Cəbəllütariqdəki 11 iyul oyununda da “Qarabağ” üstün gəlmişdi – 2:1.
Novator.az bildirir ki, ikinci mərhələdə (25 iyul-2 avqust) Azərbaycan təmsilçisi “Rakov” (Polşa) komandası ilə görüşəcək.
Üçüncü mərhələdə (8-15 avqust) “Qarabağ”ın bəxtinə “Sparta” (Çexiya), AEK (Yunanıstan), dördüncü mərhələdə (22-30 avqust) “Yanq Boyz” (İsveçrə) düşə bilər.
Turnirin ilkin və birinci mərhələlərində ələnənlər Konfrans Liqasına, sonrakı üç mərhələsində ələnənlər və qruplarda üçüncü yeri tutanlar Avropa Liqasına köçür.
