Miqrasiya pozuntuları, 10166 qərar
Dövlət Miqrasiya Xidməti yarım illik hesabat yayıb. Rəsmi məlumata görə, yanvar-iyun aylarında miqrasiya tələblərinin pozulması 10166 qərarın qəbul edilməsinə gətirib.
3124 qərarda cərimə ödəməklə ölkəni tərk etmək tələbi yer alıb, 2369 qərar ölkədə yaşamanı qanuniləşdirib, 1536 qərar ölkədən inzibati qaydada çıxarılmaqla cərimə tətbiqini, 2724 qərar ölkəyə girişə məhdudiyyəti nəzərdə tutub.
Azərbaycanda yaşamaq üçün icazə sənədinin itirilməsi üzrə 214, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 151, qeydiyyat tələblərinin pozulması üzrə 48 qərar rəsmiləşib.
