![]({"full":{"0":"2021\/12\/ITV.jpg","1":750,"2":437,"3":false,"file":"https:\/\/novator.az\/wp-content\/uploads\/2021\/12\/ITV.jpg"}})
İyulun 19-da İctimai Televiziya və Radio Yayımları Şirkəti Yayım Şurasının iclası keçirilib, Azərbaycan Milli Elmlər Akademiyasının qurumdakı təmsilçisi Teymur Kərimli sədr seçilib.
9 üzvü olan Yayım Şurasının İctimai Televiziya və Radio Yayımları Şirkətinin baş direktorunu seçmək səlahiyyəti var. Azərbaycan Həmkarlar İttifaqları Konfederasiyası, Milli Elmlər Akademiyası, Mətbuat Şurasının irəli sürdüyü namizədləri parlament 6 il, Sahibkarlar Şurası, gənclər təşkilatları, qadın cəmiyyətlərinin irəli sürdüyü namizədləri 4 il, idman federasiyaları, dini konfessiyalar, yaradıcılıq təşkilatlarının irəli sürdüyü namizədləri 2 il müddətinə seçir.
İctimai Televiziya və Radio Yayımları Şirkəti 2005-ci ildən fəaliyyət göstərir. 2005-2013-cü illərdə quruma İsmayıl Ömərov, 2013-2018-ci illərdə Cəmil Quliyev baş direktorluq edib, 2018-ci ildən Balakişi Qasımov baş direktordur.
Baş direktorun səlahiyyət müddəti 4 ildir.
2005-2017-ci illərdə Yayım Şurasına Cahangir Məmmədli, 2017-2023-cü illərdə Muxtar İmanov sədrlik edib.