Neft Fondunun aktivləri 55 milyard dollara dirənir
Rəsmi hesabata görə, 2023-cü il iyulun 1-nə Dövlət Neft Fondunun aktivləri 54 milyard 915,1 milyon ABŞ dollarına çatıb. Yanvar-iyun aylarının gəlirləri 11 milyard 701,4 milyon manat, xərcləri 2 milyard 680,8 milyon manat göstərilir.
Yarım ildə dövlət büdcəsinə 2 milyard 661 milyon manatın köçürüldüyü, ali təhsil sisteminin beynəlxalq rəqabətliliyi proqramına 5,2 milyon manatın, gənclərin xarici ölkələrin nüfuzlu ali təhsil müəssisələrində təhsil almaları proqramına 3,6 milyon manatın yönəldildiyi, qurumun idarə edilməsinə 11 milyon manatın xərcləndiyi vurğulanır.
Fondun 2023-cü il büdcəsində gəlirlər 16,3 milyard manat, xərclər 11,8 milyard manatdır.
Dövlət Neft Fondu 1999-cu ildə yaradılıb.
