Əhəd Abıyev postdan getdi
Əhəd Mikayıl oğlu Abıyev Daşkəsən Rayon İcra Hakimiyyətinin başçısı vəzifəsindən azad edilib. Prezident İlham Əliyev sərəncamı iyulun 17-də imzalayıb.
1958-ci il təvəllüdlü Əhəd Abıyev Azərbaycan Xalq Təsərrüfatı İnstitutunu (indiki Azərbaycan Dövlət İqtisad Universiteti) bitirib. 1995, 2000, 2005-ci illərdə Milli Məclisin deputatı seçilib. Daşkəsən Rayon İcra Hakimiyyətinin başçısı vəzifəsini 23 fevral 2011-ci ildən tuturdu.
