Neftsiz ixracın əsas məhsul və ünvanları
Azərbaycan 2023-cü ilin yanvar-iyun aylarında 1 milyard 773,3 milyon dollarlıq qeyri-neft məhsulu ixrac edib. Novator.az bildirir ki, meyvə-tərəvəz ixracı 350,4 milyon, elektrik enerjisi ixracı 314,3 milyon, plastmas və ondan hazırlanan məmulatlar ixracı 243 milyon, kimya sənayesi məhsulları ixracı 118 milyon, alüminium və ondan hazırlanan məmulatlar ixracı 106,9 milyon dollarla ilk beşlikdə göstərilir.
Hesabatı yayan Dövlət Gömrük Komitəsi qeyri-neft ixracında əsas ünvanları belə sıralayır: Rusiya, Türkiyə, Gürcüstan, İsveçrə, Qazaxıstan, Türkmənistan, Ukrayna, Birləşmiş Ərəb Əmirlikləri, Özbəkistan, İtaliya, Rumıniya, Çin.
