Məclisdə 8 yer boşdur
Azərbaycan Konstitusiyasına görə, parlament – Milli Məclis 125 deputatdan ibarətdir, ancaq hazırda 117 nəfər mandat daşıyır.
Novator.az bildirir ki, Milli Məclisə son seçki 2020-ci il fevralın 9-da keçirilib. Mərkəzi Seçki Komissiyasının 13 fevral 2020-ci il qərarları ilə 4 dairə üzrə nəticələr ləğv olunub, parlament 121 nəfərlə fəaliyyətə başlayıb.
2020-ci ildən bəri Milli Məclisin 2 üzvü vəfat edib, 1 üzvü azadlıqdan məhrum olunaraq kürsüsünü itirib, 1 üzvü dövlət orqanında vəzifəyə keçdiyi üçün mandatı təhvil verib.
Yeni Azərbaycan Partiyası parlamentdə 69 deputatla təmsil olunur.
Vətəndaş Həmrəyliyi Partiyasının 3, Respublikaçı Alternativ Partiyası, Demokratik İslahatlar Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası, Ana Vətən Partiyası, Milli Cəbhə Partiyası, Vəhdət Partiyası, Demokratik Maarifçilik Partiyasının hərəyə 1 mandatı var.
37 deputat partiyasızdır.
