Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, rəsmi hesabata görə, yanvar-iyun aylarında Azərbaycanda 60,3 milyard manatlıq, 2022-ci ilin ilk yarısı ilə müqayisədə 0,5 faiz çox ümumi daxili məhsul (ÜDM) istehsal edilib, neft-qaz sektorunda istehsal 2,1 faiz azalıb, qeyri neft-qaz sektorunda 3,1 faiz artıb.
Əhalinin hər nəfərinə düşən ÜDM 5946,9 manat göstərilir.
Kənd təsərrüfatı məhsulunun 3,4 faiz (heyvandarlıq məhsulları istehsalının 3,7 faiz, bitkiçilik məhsulları istehsalının 3 faiz) artdığı vurğulanır: “Nəqliyyatla yük daşınması 6,4 faiz, sərnişin daşınması 17,3 faiz, informasiya və rabitə xidmətlərinin həcmi 12,9 faiz, əhalinin gəlirləri nominal ifadədə 14,7 faiz artıb.
Yarım ildə dövlət büdcəsinə 15 milyard 480 milyon manatın daxil olduğu, büdcədən 14 milyard 63,3 milyon manatın xərcləndiyi vurğulanır.
Açıqlamaya əsasən, iyunun 1-nə ölkənin bank və digər kredit təşkilatlarının kredit portfeli milli valyuta ekvivalentində 21 milyard 285,5 milyon manat, əhalinin banklardakı əmanətlərinin milli valyuta ekvivalentində məbləği 12 milyard 400,7 milyon manat olub.
