Ticarət statistikası
2023-cü ilin yanvar-iyun aylarında pərakəndə ticarət şəbəkəsində istehlakçılara 14,8 milyard manatlıq ərzaq məhsulları, içkilər və tütün məmulatları, 11,5 milyard manatlıq qeyri-ərzaq malları satılıb. Novator.az-ın məlumatına görə, hesabatı yayan Dövlət Statistika Komitəsi bildirir ki, yarım ildə pərakəndə ticarət şəbəkəsində xərclənən vəsaitin 52 faizi ərzaq məhsullarının, 4,4 faizi içkilər və tütün məmulatlarının payına düşüb.
Başqa bilgiyə əsasən, yanvar-may aylarında Azərbaycanın hüquqi və fiziki şəxsləri 185 ölkədəki tərəfdaşları ilə ticarət əməliyyatları həyata keçirib, 106 ölkəyə ixrac, 175 ölkədən idxal rəsmiləşib.
2022-ci ilin yanvar-may ayları ilə müqayisədə xarici ticarət dövriyyəsinin faktiki qiymətlərlə 8,2 faiz azaldığı, real ifadədə 2,3 faiz artdığı vurğulanır: idxal real ifadədə 11,1 faiz artıb, ixrac 0,5 faiz azalıb.
