Sərmayə və sənaye hesabatı
2023-cü ilin yanvar-iyun aylarında Azərbaycanda iqtisadi və sosial sahələrin inkişafına 7 milyard 148,3 milyon manat məbləğində, ötən ilin ilk yarısı ilə müqayisədə 10,4 faiz çox vəsait yönəldilib. Novator.az-ın məlumatına görə, hesabatı yayan Dövlət Statistika Komitəsi bildirir ki, neft-qaz sektoruna investisiyalar 21,4 faiz, qeyri neft-qaz sektoruna yönəldilən vəsait 4,2 faiz artıb.
Başqa rəsmi açıqlamaya əsasən, müəssisələr və fərdi sahibkarlar yanvar-iyun aylarında 34,7 milyard manatlıq, 2022-ci ilin eyni dövrünə nəzərən 1,6 faiz az sənaye məhsulu istehsal edib, neft-qaz sektorunda məhsul istehsalı 2,3 faiz azalıb, qeyri neft-qaz sektorunda 6,5 faiz yüksəliş qeydə alınıb.
