Maaş və qiymət artımı açıqlanıb
2023-cü il iyunun 1-nə Azərbaycan iqtisadiyyatında muzdlu işçilərin sayı 1 milyon 726,3 min nəfər olub. Hesabatı yayan Dövlət Statistika Komitəsi yanvar-may aylarında işçilərin orta aylıq nominal əməkhaqqının əvvəlki ilin eyni dövrünə nisbətən 11,1 faiz artaraq 916,8 manata çatdığını bəyan edib.
Novator.az bildirir ki, başqa bir rəsmi açıqlamaya əsasən, yanvar-iyun aylarında istehlak qiymətləri 2022-ci ilin ilk yarısına nisbətən 12,7 faiz artıb, ərzaq məhsulları, içkilər və tütün məmulatları 15,1 faiz, qeyri-ərzaq məhsulları 11,4 faiz, ödənişli xidmətlər 10,5 faiz bahalaşıb.
