Mərkəzi Nəbatat Bağında
Prezident İlham Əliyev və birinci vitse-prezident Mehriban Əliyeva iyulun 12-si Bakının Mərkəzi Nəbatat Bağında abadlıq, yenidənqurma və tikinti işlərinin gedişi ilə tanış olublar.
AZƏRTAC xəbər verir ki, Mərkəzi Nəbatat Bağının ərazisi 39 hektardan 44,8 hektara çatdırılıb, ərazidəki avtomobil təmiri boksları, bir neçə ictimai-iaşə obyekti və müxtəlif təyinatlı qanunsuz tikililər sökülüb. Bağda müxtəlif növ yeni ağacların əkilməsi, müasir dizaynlı guşələrin yaradılması nəzərdə tutulur.
1934-cü ildə yaradılan bu bağ elmi-tədqiqat müəssisəsi kimi fəaliyyət göstərib. Bağda 2500-dən çox ağac, kol, ot bitkiləri və sair var, 130-a yaxın nadir bitki növü qorunur.
Ötən ildən “Mərkəzi Nəbatat Bağı” publik hüquqi şəxs Bakı Şəhər İcra Hakimiyyətinin tabeliyindədir.
