Türkiyə parlamentində yeni mandat bölgüsü
Türkiyə Böyük Millət Məclisi partiyaların mandat bölgüsünü yeniləyib.
Novator.az bildirir ki, 600 nəfərlik parlamentdə Ədalət və İnkişaf Partiyası 263 mandatla göstərilir.
Cümhuriyyət Xalq Partiyasının 130, Yaşıllar və Sol Gələcək Partiyasının 55, Milliyyətçi Hərəkat Partiyasının 50, Yaxşı Partiyanın 44 mandatı var.
Səadət Partiyası qanunverici orqanda 20, Demokratiya və Sıçrayış Partiyası 15, Yenidən Rifah Partiyası 5, Hür Dava Partiyası 4, Türkiyə Fəhlə Partiyası 4, Demokrat Partiyası 3, Əmək Partiyası 2, Demokratik Bölgələr Partiyası 2, Xalqların Demokratik Partiyası 2, Demokratik Sol Partiya 1 mandatla təmsil olunur.
Mayın 14-də seçilmiş parlamentə Ədalət və İnkişaf Partiyasının təmsilçisi Numan Kurtulmuş sədrlik edir. Parlament seçkisi ilə eyni gündə keçirilmiş prezident seçkisi mayın 28-nə – ikinci tura qalıb, yarışı Ədalət və İnkişaf Partiyasının lideri, dövlət başçısı Rəcəb Teyyub Ərdoğan udub. Rəcəb Teyyub Ərdoğan 2003-cü ildən baş nazirlik edib, 2014 və 2018-ci illərdə prezident seçilib
Mənbə: Tbmm.gov.tr
