Riyaziyyatçılarımız beynəlxalq olimpiadada
“Global Olympic Center”in təşkilatçılığı ilə Azərbaycanın müxtəlif məktəblərində təhsil alan istedadlı şagirdlər ABŞ-ın Nyu-York ştatında Beynəlxalq Kopernikus Olimpiadasının riyaziyyat üzrə qlobal mərhələsində iştirak edir.
Komandaya müxtəlif yaş qrupundan 60 şagird daxildir. Onlar Azərbaycanı beş kateqoriya üzrə təmsil edirlər.
Açılış mərasimi iyulun 10-u Kolumbiya Univeristetində olub. Komandamız dövlət himnimizin sədaları altında səhnəyə çıxıb.
Riyaziyyatçılarımız beynəlxalq turnirdə 22 ölkə ilə yarışır.
Olimpiadanın qlobal mərhələsi iyulun 11-i yekunlaşacaq. Mükafatlandırma mərasimi iyulun 12-də olacaq.
