“Qarabağ”ın siftəsi
Azərbaycanı UEFA Çempionlar Liqasının 2023-2024 mövsümündə təmsil edən “Qarabağ” birinci mərhələnin ilk oyununu keçirib. İyulun 11-i Cəbəllütariqdə yerli “Linkoln”la üz-üzə gələn komanda rəqibi üstələyib – 2:1.
Cavab oyunu iyulun 19-na, Bakı Olimpiya Stadionuna təyin olunub.
Novator.az bildirir ki, ikinci mərhələyə (25 iyul-2 avqust) yüksələcəyi halda Azərbaycan təmsilçisi “Rakov” (Polşa) – “Flora” (Estoniya) cütlüyünün qalibi ilə görüşəcək.
Üçüncü mərhələdə (8-15 avqust) “Qarabağ”ın bəxtinə “Sparta” (Çexiya), AEK (Yunanıstan), dördüncü mərhələdə (22-30 avqust) “Yanq Boyz” (İsveçrə) düşə bilər.
Turnirin ilkin və birinci mərhələlərində ələnənlər Konfrans Liqasına, sonrakı üç mərhələsində ələnənlər və qruplarda üçüncü yeri tutanlar Avropa Liqasına köçür.
