İran prezidenti niyə səfərə çıxmayıb? – “Associated Press”
İranın prezidenti İbrahim Rəisi iyulun 11-i Afrikaya səfərə çıxmalı idi, lakin bu baş verməyib. ABŞ-ın “Associated Press” agentliyi belə yazır.
Novator.az-ın məlumatına görə, agentlik xatırladır ki, İbrahim Rəisinin iyulun 11-i Keniya, Uqanda və Zimbabveyə səfərə çıxacağını son günlər İranın rəsmi mediası dəfələrlə qeyd edib: “İbrahim Rəisi Afrikaya iyulun 11-i səhər tezdən yola düşməli idi. Lakin bu baş verməyib. İran mediası hələ ki, məsələnin səbəbinə aydınlıq gətirmir.
Keniya Xarici İşlər Nazirliyinin qısa açıqlamasında isə bildirilib ki, səfər qarşılıqlı anlaşmaya dair əsas memorandumların mətni üzərində işi yekunlaşdırmaq məqsədilə iyulun 12-nə keçirilib. Həmin memorandumların ölkələr arasında münasibətlərin inkişafı baxımından mühüm əhəmiyyət daşıdığı vurğulanır”.
“Associated Press” yazır: “İran prezidentinin ölkə daxilində səfərlərinin təxirə salınması hallarına rast gəlinsə də, xaricə səfərinin baş tutmaması görünməmiş hadisədir”.
Mənbə: Apnews.com
