Elşad Hacıyevə rəislik səlahiyyəti verildi
Daxili İşlər Nazirliyinin mətbuat xidmətinin rəisi vəzifəsinin icrası polis polkovnik-leytenantı Elşad Hacıyevə həvalə olunub. Xəbər iyulun 11-də yayılıb.
Elşad Hacıyev 2020-ci ildən mətbuat xidmətinin şöbə rəisidir.
İyulun 10-da 2017-ci ildən mətbuat xidmətinə rəislik edən polis polkovniki Ehsan Zahidovun pensiyaya göndərildiyi açıqlanmışdı.
Daxili İşlər Nazirliyi 1918-ci ildə yaradılıb. 1920-ci ildən 1950-ci illərin ortalarına qədər təhlükəsizlik orqanları ilə bir strukturda fəaliyyət göstərib, Xalq Daxili İşlər Komissarlığı, Birləşmiş Dövlət Siyasi İdarəsi, Xalq Dövlət Təhlükəsizliyi Komissarlığı, Dövlət Təhlükəsizlik Nazirliyi adları daşıyıb.
2019-cu ildən daxili işlər naziri postunu Vilayət Eyvazov tutur.
