Bağlı sərhəd, qonşunun nəfi
Rəsmi hesabata görə, 2023-cü ilin yanvar-may aylarında Azərbaycana 713 min əcnəbi gəlib. İqtisadçı, Azərbaycan Demokratiya və Rifah Partiyasının sədri Qubad İbadoğlu bu göstəricini qonşu ölkələrin rəsmi turizm statistikası ilə müqayisə edib. Novator.az-ın məlumatına görə, o yazır ki, 2023-cü ilin ilk yarısında Ermənistana 1 milyon turist baş çəkib: “Gürcüstana 2023-cü ilin ilk rübündə 1,2 milyon nəfərdən çox əcnəbinin gəldiyi, ziyarətçilərin 845,3 min nəfərinin turistlər olduğu açıqlanıb”.
Qubad İbadoğlu qeyd edir ki, Gürcüstana gələn turistlərin bir qismi ucuz nəqliyyatla – avtomobil və ya dəmir yolu ilə Ermənistana da səfər edir. Azərbaycanla quru sərhədlər bağlı, hava nəqliyyatı ilə əlaqə baha olduğuna görə Ermənistana üstünlük verirlər”.
2020-ci il martın 31-dən Azərbaycanda hökm sürən xüsusi karantin rejimi hazırda ölkəyə giriş-çıxışa məhdudiyyət qoyur – quru sərhədlər bağlıdır.
