Türkiyədə bahalaşma statistikası
Türkiyənin Statistika Qurumu inflyasiya açıqlaması yayıb. Novator.az bildirir ki, rəsmi hesabata görə, 2023-cü ilin iyun ayında istehlak qiymətləri maya nəzərən 3,92 faiz, ötən ilin eyni ayına baxanda 38,21 faiz yüksəlib.
Yanvar-iyun ayları üzrə bahalaşma 19,77 faiz göstərilir.
Qeyd olunur ki, iyunda ötən ilin eyni ayı ilə müqayisədə ən çox bahalaşma ictimai iaşə və mehmanxana xidmətində (67,22 faiz), ən az qiymət artımı (14,76 faiz) mənzillərdə qeydə alınıb.
Azərbaycan Mərkəzi Bankı iyulun 5-də 100 Türkiyə lirəsini 6 manat 54 qəpiyə satır. 2023-cü ilin siftə məzənnəsi 9 manat 7 qəpik olub.
Lirə 2021-ci ildən dəyər itirir. 100 lirə 2021-ci ilə 22 manat 91 qəpiklə başlayıb, ili 13 manat 29 qəpiklə yola salıb.
2022-ci il 9 manat 9 qəpiklə bitib.
Mənbə: Tuik.gov.tr
