Qonşuluqda inflyasiya
2023-cü ilin iyununda Gürcüstanda istehlak qiymətləri ötən ilin eyni ayına nəzərən 0,6 faiz artıb. Novator.az-ın məlumatına görə, hesabatı yayan Milli Statistika Xidməti bildirir ki, istirahət, əyləncə, mədəniyyət sektorunda qiymətlər 0,1 faiz, rabitə sektorunda 3,1 faiz, tibbi xidmətlərdə 6,9 faiz, nəqliyyat sahəsində 11,6 faiz düşüb.
Geyim və ayaqqabılar üzrə bahalaşma 0,4 faiz, kommunal xidmətlər üzrə 4,5 faiz, mebel və məişət əşyaları üzrə 5,5 faiz, təhsil sektoru üzrə 6,8 faiz, alkoqollu içkilər və tütün məmulatları üzrə 7,4 faiz, mehmanxana və ictimai iaşə xidmətləri üzrə 10,2 faiz göstərilir.
Hesabata əsasən, il ərzində spirtsiz içkilər və ərzağın qiymətində dəyişiklik qeydə alınmayıb.
Mənbə: Geostat.ge
