Mərkəzi Bankın maliyyə hesabatı
Azərbaycan Mərkəzi Bankı maliyyə vəziyyəti haqqında hesabat yayıb. Novator.az bildirir ki, rəsmi statistikaya görə, 2022-ci ilin sonuna cəmi aktivlər 30,8 milyard manatı, cəmi öhdəliklər 29,8 milyard manatı ötüb, il ərzində 161,1 milyon manatdan çox xalis zərər qeydə alınıb.
Mərkəzi Bank dövlətin pul və valyuta siyasətini müəyyən edib həyata keçirmək; nağd pul dövriyyəsini təşkil etmək, pul nişanlarının tədavülə buraxılmasını və tədavüldən çıxarılmasını həyata keçirmək; manatın xarici valyutalara nisbətdə rəsmi məzənnəsini mütəmadi müəyyən etmək və elan etmək; valyuta tənzimini və nəzarətini həyata keçirmək; sərəncamında olan beynəlxalq qızıl-valyuta ehtiyatlarını saxlamaq və idarə etmək; banklararası mərkəzləşdirilmiş və digər lisenziyalaşdırılmayan ödəniş sistemlərinin fəaliyyətini təşkil etmək, əlaqələndirmək, tənzimləmək və onların üzərində nəzarəti həyata keçirmək funksiyaları və başqa funksiyaları var.
