Yunanıstan yeni seçki yarışında
İyunun 25-i Yunanıstanda parlament seçkisi keçirilir. Müşahidəçilər bu seçkinin hökumət qurulması ilə nəticələnməsi proqnozu verir.
Novator.az bildirir ki, 2019-cu il iyulun 8-dən Yunanıstana Yeni Demokratiya Partiyasının lideri Kiriakos Mitsotakis baş nazirlik edib. 2023-cü il mayın 21-də keçirilmiş parlament seçkisində 300 yerlik qanunverici orqana beş siyasi qüvvə düşüb: Yeni Demokratiya Partiyası, SİRİZA Partiyası, PASOK-KİNAL Hərəkatı, Kommunist Partiyası, Yunan Qərarı Hərəkatı. Onların heç biri hökumət qurmaq üçün gərəkli 151 mandata yetişməyib. Koalisiya danışıqları uğursuz olduğu üçün müvəqqəti hökumət qurulub, iyunun 25-nə yeni parlament seçkisi təyin edilib.
Seçki qanunvericiliyində yeniliyə görə, 25 iyun seçkisində önə çıxan partiyaya bonus mandatlar veriləcək və təkbaşına hökumət qurmaq mümkün olacaq.
