Problemli kreditlər nə qədər azalıb?
2023-cü ilin yanvar-may aylarında Azərbaycanda problemli kreditlər 103,6 milyon manat azalıb. Novator.az Mərkəzi Bankın statistik bülleteninə istinadla bildirir ki, il 593,7 milyon manatla başlayıb, iyunun 1-nə 490,1 milyon manata düşüb.
2015-ci ilin əvvəlində problemli kreditlər 976,3 milyon manat məbləğində göstərilib.
2015-ci ilin devalvasiyaları problemli kreditlərin artımına rəvac verib. 2016-cı ilin əvvəlində 1 milyard 508,5 milyon manat, 2017-ci ilin əvvəlində 1 milyard 472,6 milyon manat, 2018-ci ilin əvvəlində 1 milyard 626,7 milyon manat, 2019-cu ilin əvvəlində 1 milyard 585 milyon manat məbləğində problemli kredit rəsmiləşib.
2019-cu ildə dövlət fiziki şəxslərə 2012-ci il yanvarın 1-dən bağlanmış kredit müqavilələri üzrə devalvasiya kompensasiyaları verib.
2020-ci ilin əvvəlində ödəniş vaxtı keçmiş kreditlərin 1 milyard 273,1 milyon manat, 2021-ci ilin əvvəlində 893,1 milyon manat, 2022-ci ilin əvvəlində 719,4 milyon manat məbləğində olduğu açıqlanıb.
