AXCP-nin qurultayı
İyunun 24-ü Maştağa Mədəniyyət Mərkəzində AXCP-nin 7-ci (10-cu) qurultayı keçirilir. Novator.az-ın məlumatına görə, cəbhəçilər partiya sədri Əli Kərimlinin, Ali Məclisin sədri Nurəddin Məmmədlinin və Mərkəzi Nəzarət-Təftiş Komissiyasının sədri Aydın Əliyevin hesabatlarını dinləyib, məruzələr ətrafında müzakirələr aparıblar.
Gündəlikdə sədrin, Mərkəzi Nəzarət-Təftiş Komissiyası üzvlərinin seçkisi, Ali Məclis üzvlərinin təsdiqlənməsi də var.
Azərbaycan Xalq Cəbhəsi (AXC) 1989-cu ildə yaradılıb. 1995-ci ildə qurum partiyaya çevrilib.
2000-ci ildən AXCP-yə Əli Kərimli liderlik edir.
1965-ci il təvəllüdlü Əli Kərimli milli azadlıq hərəkatının öncül şəxslərindəndir. Əbülfəz Elçibəyin prezidentliyi zamanı (1992-1993-cü illər) əvvəl Prezident Aparatının şöbə müdiri, sonra dövlət katibi vəzifələrində çalışıb, AXC (AXCP) sədrinin müavini, birinci müavini olub, 1995 və 2000-ci illərdə Milli Məclisin deputatı seçilib.
