Yığmanın üç ili
Yoldaşlıq görüşlərini saymasaq, Azərbaycanın milli futbol komandası italyan Canni De Byazinin baş məşqçiliyi dövründə 23 rəsmi oyun keçirib. Novator.az bildirir ki, bu oyunların 4-ü qələbə, 6-sı heç-heçə, 13-ü məğlubiyyətlə bitib.
Canni De Byazi milli komandaya 2020-ci il iyulun 10-dan baş məşqçilik edir.
2020-ci ildə UEFA Millətlər Liqasının qrup raundu bu nəticələrlə tarixə düşüb: Lüksemburq – 1:2 və 0:0, Kipr – 0:0 və 1:0, Monteneqro – 0:0 və 0:2.
2021-ci ildə dünya çempionatının seçmə mərhələsində bu hesablar rəsmiləşib: Portuqaliya – 0:3 və 0:1, Serbiya – 1:2 və 1:3, İrlandiya – 0:3 və 1:1, Lüksemburq – 1:3 və 1:2.
2022-ci ildə Millətlər Liqasının qrup mərhələsində bu hesablar qeydə alınıb: Qazaxıstan – 3:0 və 0:2, Belarus – 2:0, 0:0, Slovakiya – 0:1, 2:1.
2023-cü ildə yığma Avropa çempionatının seçmə mərhələsinin üç oyununu keçirib: Avstriya – 1:4, İsveç – 0:5, Estoniya – 1:1.
Canni De Byazinin dövründə yığma 10 yoldaşlıq görüşündə meydançaya çıxıb: 2020-ci il – Sloveniya (0:0); 2021-ci il – Qətər (2:2 və 1:2), Türkiyə (1:2), Belarus (2:1), Moldova (0:1); 2022-ci il – Malta (0:1), Latviya (0:1), Moldova (2:1), Şimali Makedoniya (3:1).
1956-cı il təvəllüdlü Canni De Byazi ölkəsində bir çox klubun, o cümlədən “İnter”, “Peskara”, “Breşia”, “Palermo”, “Viçensa” komandalarının yarımmüdafiəçi olub.
Məşqçi kimi Canni De Byazi bir çox komandada, o cümlədən İtaliyanın “Karpi”, SPAL, “Modena”, “Breşia”, “Torino”, “Udineze”, İspaniyanın “Levante”, “Alaves” klublarında çalışıb, Albaniya milli komandasının sükanı arxasında dayanıb.
