Türkiyə Mərkəzi Bankı lirəni bahalaşdırdı
Türkiyənin Mərkəzi Bankı iyunun 22-də banklara verilən borclar üzrə faiz dərəcəsini – uçot dərəcəsini 8,5 faizdən 15 faizə qaldırıb. Qərarın Türkiyə lirəsinin ucuzlaşmasını cilovlamaq məqsədi güddüyü vurğulanır. Hazırda 1 ABŞ dolları 23,5 lirədən bahadır.
Lirə 2021-ci ildən dəyər itirir. Azərbaycan Mərkəzi Bankının məzənnə hesabatlarına görə, 100 lirə 2021-ci ilə 22 manat 91 qəpiklə başlayıb, ili 13 manat 29 qəpiklə yola salıb.
2022-ci il 9 manat 9 qəpiklə bitib.
2023-cü ilin siftə məzənnəsi 9 manat 7 qəpik olub.
İyunun 22-də 100 lirə 7 manat 21 qəpiyə satılır.
