Uçot dərəcəsi dəyişmədi
Mərkəzi Bankın İdarə Heyəti iyunun 21-də kommersiya banklarına manatla verilən borclar üzrə faiz dərəcəsini – uçot dərəcəsini 9 faiz həddində saxlayıb. Bu dərəcə mayın 4-dən qüvvədədir.
Növbəti qərarlar bu tarixlərdə veriləcək: 26 iyul, 20 sentyabr, 1 noyabr, 20 dekabr.
Novator.az bildirir ki, 2008-ci il yola 13 faizlik, 2009-cu il 8 faizlik, 2010-cu il 2 faizlik, 2011-ci il 3 faizlik uçot dərəcəsi ilə çıxıb.
2012-ci il 5,25 faiz, 2013-cü il 5 faiz, 2014-cü il 4,75 faiz, 2015-ci il 3,5 faiz, 2016-cı il 3 faiz, 2017 və 2018-ci illər 15 faiz, 2019-cu il 9,75 faiz, 2020-ci il 7,5 faiz, 2021-ci il 6,25 faiz, 2022-ci il 7,25 faiz, 2023-cü il 8,25 faizlə start götürüb.
