Yenilənmiş büdcənin xərc istiqamətləri
2023-cü ilin yenilənmiş dövlət büdcəsində 33 milyard 890,5 milyon manat gəlir, 36 milyard 624,8 milyon manat xərc nəzərdə tutulur. Novator.az-ın məlumatına görə, ən böyük xərc istiqamətləri belə sıralanır: iqtisadi fəaliyyət – 9 milyard 402,8 milyon manat, müdafiə və milli təhlükəsizlik – 6 milyard 54,8 milyon manat, təhsil – 4 milyard 407,1 milyon manat, sosial müdafiə və sosial təminat – 4 milyard 315,9 milyon manat, ümumi dövlət xidmətləri – 4 milyard 177,6 milyon manat.
Məhkəmə hakimiyyəti, hüquq mühafizə və prokurorluğa 2 milyard 833,5 milyon manat, səhiyyəyə 1 milyard 804,9 milyon manat, kənd təsərrüfatına 1 milyard 202,1 milyon manat, mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyətə 550,8 milyon manat, ətraf mühitin mühafizəsinə 371,3 milyon manat, mənzil və kommunal təsərrüfatına 348,1 milyon manat ayrılır.
Əsas bölmələrə aid edilməyən xərclər 1 milyard 155,3 milyon manat göstərilir.
