Futbolçu düşmən cəbhəsində
Fransız futbolçu Olivye Jiru Azərbaycan torpaqlarında qurulmuş işğalçı rejimə maddi yardım göstərib. Novator.az-ın məlumatına görə, 2022-ci ilin dünya çempionatının dörddə bir finalında geyindiyi köynəyi hərracda 35 min avroya satılan futbolçu vəsaiti işğalçı rejim üçün pul toplayan “Ermənistan üçün ümid” təşkilatının hesabına köçürüb.
1986-cı il təvəllüdlü Olivye Jiru ölkəsinin “Qrenobl”, “İstr”, “Tur”, “Monpelye”, İngiltərənin “Arsenal”, “Çelsi” komandalarında çıxış edib, hazırda İtaliyanın “Milan” komandasında oynayır.
Fransa milli komandasının formasını geyinən hücumçu 2018-ci ilin dünya çempionudur.
Ermənistan 1988-1994-cü illərin təcavüzündə Azərbaycanın altıda birini işğal edib, Yuxarı Qarabağ bölgəsində separatçı rejim qurulub.
2020-ci il sentyabrın 27-dən noyabrın 10-dək Azərbaycanın apardığı hərbi əməliyyatlarda və savaşdan sonrakı danışıqlarla ərazilərin böyük qismi azad olunub.
Xankəndi, Xocalı, Ağdərə, Xocavənd şəhərləri, Şuşa, Xocalı, Xocavənd rayonlarının və keçmiş Ağdərə rayonunun bir hissəsi işğalçı rejimin əlindədir. Həmin ərazilərə və bölgədən Ermənistana gedən Laçın yoluna Rusiyanın hərbi kontingenti nəzarət edir.
