Finlandiyada yeni hökumət
İyunun 20-si Finlandiyada yeni hökumət fəaliyyətə başlayıb. Novator.az bildirir ki, Petteri Orponun baş nazirlik etdiyi hökumət 21 nəfərdən ibarətdir.
Hökuməti parlamentdə təmsil olunan dörd partiya qurub. Koalisiya danışıqları mayın 2-də başlamışdı.
Aprelin 2-də keçirilmiş parlament seçkisində qanunverici orqana Milli Koalisiya Partiyası, Əsl Finlər Partiyası, Sosial Demokrat Partiyası, Mərkəz Partiyası, Yaşıl İttifaq bloku, Sol İttifaq, İsveç Xalq Partiyası, Xristian Demokrat Partiyası, “İndi” hərəkatı düşüb. Hökumət qurmaq Milli Koalisiya Partiyasının lideri Petteri Orpoya həvalə olunmuş, o, koalisiyaya Əsl Finlər, İsveç Xalq, Xristian Demokrat partiyalarını dəvət etmişdi.
1969-cu il təvəllüdlü Petteri Orpo 2014-2015-ci illərdə kənd və meşə təsərrüfatı naziri, 2015-2016-cı illərdə daxili işlər naziri, 2016-2019-cu illərdə maliyyə naziri olub.
