Çempionlar Liqası: “Qarabağ”ın ilk rəqibi bəlli oldu
İyunun 20-də UEFA Çempionlar Liqasının 2023-2024 mövsümünün birinci mərhələsinin (11-19 iyul) püşkü atılıb. Novator.az-ın məlumatına görə, Azərbaycan təmsilçisi “Qarabağ”a Cəbəllütariqin “Linkoln” komandası qismət olub.
İkinci mərhələdə (25 iyul-2 avqust) “Qarabağ”ın bəxtinə “Aris” (Kipr), üçüncü mərhələdə (8-15 avqust) “Sparta” (Çexiya), AEK (Yunanıstan), dördüncü mərhələdə (22-30 avqust) “Yanq Boyz” (İsveçrə) düşə bilər.
Turnirin ilkin və birinci mərhələlərində ələnənlər Konfrans Liqasına, sonrakı üç mərhələsində ələnənlər və qruplarda üçüncü yeri tutanlar Avropa Liqasına köçür.
