“Avroviziya 2024”: 17 iştirakçı məlumdur
Novator.az “Avroviziya 2024” mahnı müsabiqəsində iştirakını təsdiqləyən ölkələrin siyahısına nəzər salıb. İyunun 19-dək yarışa ev sahibi İsveç və daha 16 ölkə ilkin razılıq verib: Almaniya, Avstriya, Danimarka, Finlandiya, Fransa, İrlandiya, İslandiya, İspaniya, İsrail, İtaliya, Kipr, Lüksemburq, Malta, Moldova, Niderland, Norveç.
İctimai teleradioları cəmləyən Avropa Yayım Birliyinin 1956-cı ildən keçirdiyi “Avroviziya” yarışında İrlandiya və İsveç 7, Niderland, Fransa, Lüksemburq və Böyük Britaniya 5, İsrail 4, Danimarka, İtaliya, Norveç və Ukrayna 3, İsveçrə, Avstriya, İspaniya və Almaniya 2, Monako, Belçika, Yuqoslaviya, Estoniya, Latviya, Türkiyə, Yunanıstan, Finlandiya, Serbiya, Rusiya, Azərbaycan və Portuqaliya 1 dəfə qalib olub.
