Büdcə zərfində yeniliklər parlamentdən keçdi
Milli Məclisin 16 iyun iclasında 2023-cü ilin büdcə zərfində dəyişikliklər layihələri son oxunuşdan keçib.
Novator.az bildirir ki, yenilənmiş dövlət büdcəsində 33,8 milyard manata yaxın gəlir, 36,6 milyard manata yaxın xərc nəzərdə tutulur.
Bir barrel neft 60 dollardan götürülür (hazırda 50 dollardır).
Xərc istiqamətləri belə sıralanır:
iqtisadi fəaliyyət – 9,4 milyard manat;
müdafiə və milli təhlükəsizlik – 6 milyard 54,8 milyon manat;
təhsil – 4,4 milyard manat;
sosial müdafiə və sosial təminat – 4,3 milyard manat;
ümumi dövlət xidmətləri – 4,1 milyard manat;
məhkəmə hakimiyyəti, hüquq mühafizə və prokurorluq – 2,8 milyard manat;
səhiyyə – 1,8 milyard manat;
kənd təsərrüfatı – 1,2 milyard manat;
mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət – 550,8 milyon manat;
ətraf mühitin mühafizəsi – 371,4 milyon manat;
mənzil və kommunal təsərrüfatı – 347,9 milyon manat;
əsas bölmələrə aid edilməyən xərclər – 1,1 milyard manat.
Dövlət Sosial Müdafiə Fondunun yenilənmiş büdcəsində gəlirlər və xərclər 6 milyard 267,9 milyon manatı, işsizlikdən sığorta fondunun yenilənmiş büdcəsində gəlirlər və xərclər 217,6 milyon manatı ötür.
