Azərbaycandan neft alan ölkələr
Azərbaycanın Dövlət Gömrük Komitəsi 2023-cü ilin yanvar-may aylarında 7,2 milyard dollarlıq xam neft və xam neft məhsulu ixrac olunduğunu açıqlayıb. Novator.az bildirir ki, ixrac ünvanları statistik dəyərə görə belə sıralanıb: İtaliya, İspaniya, İsrail, Hindistan, Türkiyə, Çexiya, Almaniya, İrlandiya, Yunanıstan, Rumıniya, Avstriya, Xorvatiya, İndoneziya, Sinqapur, Vyetnam, Fransa, Portuqaliya, Tailand.
Energetika Nazirliyinin 16 iyun məlumatına görə, “AzəriLayt” markalı Azərbaycan neftinin barreli 77,76 dollara satılır.
2023-cü ilin dövlət büdcəsində bir barrel neft 50 dollardan götürülüb, “AzəriLayt” yanvara 87,99, fevrala 87,53, marta 85,01, aprelə 81,88, maya 79,04, iyuna 75,05 dollarla başlayıb.
Yanvar-may aylarında ölkədə 12,7 milyon ton neft hasil edilib. Gündəlik xam neft hasilatı yanvarda 533 min barrel, fevralda 531 min barrel, martda 515 min barrel, apreldə 512 barrel, mayda 500 min barrel göstərilib.
Beynəlxalq razılaşma 2023-cü il üçün gündəlik hasilat həddini 684 min barrel, 2024-cü il üçün 551 min barrel müəyyən edib.
