Rusiyadan yeni elçi
Rusiya prezidenti Vladimir Putin Mixail Boçarnikovu Azərbaycanda fövqəladə və səlahiyyətli səfir vəzifəsindən geri çağırıb. İyunun 14-də yayılan rəsmi xəbərə görə, onu Mixail Yevdokimov əvəzləyib.
Novator.az bildirir ki, 1959-cu il təvəllüdlü Mixail Yevdokimov Moskva Dövlət Beynəlxalq Münasibətlər İnstitutunu bitirib. 1981-ci ildən diplomatik fəaliyyətdədir. Rusiya Xarici İşlər Nazirliyinin İqtisadi Əməkdaşlıq Departamentində şöbə müdiri, Ümumavropa Əməkdaşlığı Departamentində şöbə müdiri, direktor müavini postlarını tutub, 2011-ci ildən MDB Ölkələri Birinci Departamentinə başçılıq edib.
Mixail Boçarnikov 2018-ci ildən Rusiyanın Azərbaycandakı səfiri idi.
