Prezident sərəncamları
Ziyəddin İsmayıl oğlu Əliyev Quba Rayon İcra Hakimiyyətinin başçısı vəzifəsindən azad edilib. Prezident İlham Əliyev sərəncamı iyunun 14-də imzalayıb.
1963-cü il təvəllüdlü Ziyəddin Əliyev Qubaya 2 dekabr 2017-ci ildən rəhbərlik edirdi.
İlham Əliyevin başqa bir sərəncamı ilə İlham Ənvər oğlu Nəzərli Fələstində təmsilçilik ofisinin rəhbəri postuna təyinat alıb.
Fələstinin Ramallah şəhərində təmsilçilik ofisi 2022-ci il noyabrın 18-də təsis olunub.
1988-ci ildə müstəqilliyini elan edən Fələstin 2012-ci ildən BMT-də müşahidəçi dövlət statusundadır.
Azərbaycan Fələstinin müstəqilliyini 1992-ci il aprelin 15-də tanıyıb.
