Hansı sahədə nə qədər maaş verirlər?
Dövlət Statistika Komitəsi 2023-cü il mayın 1-nə muzdlu işçilərin orta aylıq nominal əməkhaqqını 913,9 manat göstərib. Novator.az bildirir ki, iqtisadi fəaliyyət növlərində orta maaş belə rəsmiləşib:
mədən sənayesi – 3558,4 manat;
maliyyə və sığorta fəaliyyəti – 2485,3 manat;
peşə fəaliyyəti, elmi və texniki fəaliyyət – 1557,8 manat;
informasiya və rabitə – 1519,5 manat;
dövlət idarəetməsi və müdafiə; sosial təminat – 1266,8 manat;
nəqliyyat və anbar təsərrüfatı – 1200,5 manat;
tikinti – 1029,6 manat;
elektrik enerjisi, qaz və buxar istehsalı, bölüşdürülməsi və təchizatı – 928 manat;
daşınmaz əmlakla əlaqədar əməliyyatlar – 880,1 manat;
emal sənayesi – 825,4 manat;
əhaliyə səhiyyə xidməti və sosial xidmətlərin göstərilməsi – 786 manat;
istirahət, əyləncə və incəsənət sahəsində fəaliyyət – 729,2 manat;
turistlərin yerləşdirilməsi və ictimai iaşə – 713,8 manat;
təhsil – 693,2 manat;
su təchizatı, tullantıların təmizlənməsi və emalı – 688 manat;
ticarət; nəqliyyat vasitələrinin təmiri – 614,1 manat;
inzibati və yardımçı xidmətlərin göstərilməsi – 546,8 manat;
kənd təsərrüfatı, meşə təsərrüfatı və balıqçılıq – 533,5 manat;
digər sahələrdə xidmətlərin göstərilməsi – 1055,5 manat.
Neft-qaz sektorunda orta maaşın 3714,9 manat, qeyri neft-qaz sektorunda 860 manat, dövlət müəssisələrində 861,7 manat, özəl müəssisələrdə 972,1 manat olduğu vurğulanır.
Ölkədə minimum aylıq əməkhaqqı 345 manatdır.
İyunun 1-nə iqtisadi fəal əhalinin 292,5 min nəfəri işsiz kimi qeydə alınıb.
