ABŞ-ın yeni səfiri yol gəlir
ABŞ-ın Azərbaycandakı səfiri postuna namizəd Mark Libbi iyunun 13-də Senatın Xarici Əlaqələr Komitəsində ilk dinləməyə qatılıb, xeyir-dua istəyib. Xəbəri “Turan” yayıb.
Səfir prezidentin təqdimatı, Konqresin yuxarı palatasının – Senatın razılığı ilə təyin edilir. İlk mərhələ Xarici Əlaqələr Komitəsində təsdiqlənməkdir.
Mark Libbinin namizədliyi 2022-ci ilin mayında gündəmə gəlib.
Novator.az bildirir ki, ABŞ-ın Azərbaycanda birinci səfiri Riçard Mayls olub. O, 1992-1993-cü illərdə bu postu tutub.
İkinci səfir Riçard Kozlariç 1994-1997-ci illərdə, üçüncü səfir Stenli Eskudero 1997-2000-ci illərdə çalışıb.
Sonrakı səfirlər bu şəxslərdir: Ross Uilson (2000-2003), Rino Harniş (2003-2006), Enn Dörsi (2006-2009), Metyu Brayza (2011-2012), Riçard Morninqstar (2012-2014), Robert Sekuta (2015-2018), Li Litzenberqer (2019-2022).
