Ziyarət, görüş
Azərbaycan səfərində olan Türkiyə prezidenti Rəcəb Teyyub Ərdoğan iyunun 13-ü Bakının Fəxri xiyabanında Heydər Əliyevin məzarını ziyarət edib, həmçinin Şəhidlər xiyabana baş çəkib.
AZƏRTAC xəbər verir ki, Rəcəb Teyyub Ərdoğanın rəsmi qarşılanma mərasimində Azərbaycan nümayəndə heyəti ona, Türkiyə nümayəndə heyəti isə Azərbaycan prezidenti İlham Əliyevə təqdim olunub. Sonra dövlət başçıları təkbətək görüşüblər, həmçinin geniş tərkibdə bir araya gəliblər.
Ardınca İlham Əliyev və Rəcəb Teyyub Ərdoğan mətbuata bəyanatlarla çıxış ediblər.
1954-cü il təvəllüdlü Rəcəb Teyyub Ərdoğan Milli Salamat, Rifah, Fəzilət partiyalarının üzvü olub. 1994-1998-ci illərdə İstanbul bələdiyyəsinin başçısı postunu tutub. 1999-cu ildə həbsdə yatıb.
2001-ci ildə Ədalət və İnkişaf Partiyasını yaradıb. 2003-cü ildən baş nazirlik edib, 2014, 2018 və 2023-cü illərdə prezident seçilib.
.
