Parlament seçkisindən koalisiya çıxır
Monteneqroda iyunun 11-də keçirilmiş parlament seçkisinin ilkin nəticələri koalisiyanın qaçılmaz olduğunu göstərir. Novator.az-ın məlumatına görə, “Avropa – indi!” hərəkatı 81 yerlik parlamentə 24, Sosialist Demokrat Partiyası 21 mandat əldə edir.
Demokratik Xalq Partiyası qanunverici orqana 13, Demokratik Çernoqoriya Partiyası 11 nəfərlə düşür.
Bosniyalıları birləşdirən hərəkatın 6, Sosialist Xalq Partiyasının 2 mandat aldığı, qalan 4 mandatın üç siyasi qüvvəyə qismət olduğu vurğulanır.
Hökumət qurmaq üçün 41 mandat gərəkdir.
“Avropa – indi!” hərəkatının lideri Yakov Milatoviç aprelin 2-də Monteneqro prezidenti seçilib.
