İqtisadiyyatın beş ayı
2023-cü ilin yanvar-may aylarında Azərbaycanda 49 milyard 580,8 milyon manatlıq, ötən ilin eyni dövrü ilə müqayisədə 0,7 faiz çox ümumi daxili məhsul (ÜDM) istehsal olunub. Novator.az-ın məlumatına görə, hesabatı yayan Dövlət Statistika Komitəsi bildirir ki, neft-qaz sektorunda 2,5 faiz azalma, qeyri neft-qaz sektorunda 4 faiz artım qeydə alınıb.
Əhalinin hər nəfərinə düşən ÜDM 4890,6 manat göstərilir.
Başqa açıqlamaya əsasən, yanvar-may aylarında əsas kapitala 5 milyard 858,2 milyon manat məbləğində, 2022-ci ilin eyni dövrü ilə müqayisədə 15,9 faiz çox vəsait yönəldilib, neft-qaz sektoruna investisiyalar 18,9 faiz, qeyri neft-qaz sektoruna yönəldilən vəsait 14,2 faiz artıb.
Sənaye məhsulu istehsalında 1,9 faiz düşmənin rəsmiləşdiyi, neft-qaz sektorunda 2,8 faiz azalmanın, qeyri neft-qaz sektorunda 7,4 faiz artımın olduğu vurğulanır.
